Publicidade
O caldo galego é unha comida perfecta para todos os meses do ano, nomeadamente para cando precisamos combater o fío e o mal tempo. É un prato icónico da nosa gastronomía, deses que fas en cantidade e serven para 3 ou 4 días, porque a cada un deles que pase, o caldo está máis saboroso.
Malia ser popular durante o inverno, podemos facer unha analoxía entre o caldo en Galicia e o arroz en China. É tan popular que moitas comidas comezan cun bo prato de caldo.
Non existe unha receita única para o caldo galego, e cada quen ten o seu toque persoal. Nalgún intre este toque simplemente é botar o que haxa por casa. En todo caso podemos destacar diferentes ingredientes que adoitan ser comúns en todas as preparacións.
Bo proveito!
Cómpre afirmar que non é comida para puristas das receitas. Vale, recoñecemos que non vai levar chocolate pero tampouco tomes ao pé da letra o que aquí presentamos.
A base dun bo caldo galego consiste en patacas do país, fabas, carne, chourizo e verdura. Nomeadamente adoitan ser grelos ou nabizas, mais tamén se pode elaborar con repolo de Betanzos (recomendación especial).
A verdura é algo imprescindible deste prato. O máis común sería atopar caldos feito con grelos cultivados no país. Este produto está moi arraigado á nosa cultura gastronómica tradicional, grazas a que se dan ben en climas fríos e húmidos como o noso.
Á hora de elixir a carne non podemos afirmar que partes son as esenciais. Pode levar carne de tenreira ou de porco salgada, touciño entrefebrado, lacón, partes de xamón, etc. Mesmo temos visto caldo con carne de polo.
O unto (graxa de porco salgada), as fabas e as patacas deben ser de primeira calidade e aportan ese corpo, esa substancia que o caldo precisa para coller sabor e espesor.
Publicidade
Publicidade
Un dos ingredientes fundamentais da nosa receita vai ser a auga. A auga en Galicia adoita ser auga branda de boa calidade, que se adapta moi ben á maioría de tipos de cociña. Se vives noutro sitio con outro tipo de auga, quizais debas optar por utilizar auga mineral.
Ingredientes mínimos necesarios:
Instrucións:
Como xa se comentou antes, cada quen ten unha variación da receita e todas son moi saborosas. A que presentamos ten unha serie de particularidades interesantes.
A pota utilizada non é unha ola a presión, senón unha ola grande cunha tapa normal. Isto é importante, porque hai quen a fai nunha ola a presión (ou nunha Thermomix) e realmente a eficiencia desta receita só está probada nunha pota grande normal.
A auga na que se bota inicialmente a carne, o unto, as fabas e unha pataca debe estar ben fría. Non se agarda a que estea quente para meter os ingredientes. Ademais hai que ter en conta que hai que poñer o lume alto para que colla fervor, mais logo se debe baixar un chisco.
A pataca que se bota inicialmente ten como obxectivo desfacerse e dotar de consistencia ao caldo. As sucesivas patacas non se cortan, ráchanse.
Como é isto? Introduces o coitelo e fas un movemento para que arranque un anaco. Con isto consegues que bote máis substancia.
E si, o chourizo non se bota ao principio. Non está mal posto ?
E así se fai un caldo galego. Pódese servir en prato ou en cunca!
E ti, como o fas? Compárteo connosco nos comentarios!
Ao igual que as filloas, as orellas son un dos produtos típicos do entroido e aínda que podemos atopalas en boa parte das confeitarías, moitísima xente segue a facelas na casa xa que o proceso non ten maior dificultade. Como fas as túas? Déixanos un comentario!
Falar das filloas non é algo sinxelo, hai moito debate arredor deste tema e tamén moita variade nas filloas dependendo da zona do país. Ti como as fas? Déixanos a túa receita e se tes segredos para desfrutar desta auténtica delicia.
Publicidade
Publicidade
A túa axuda mantén esta páxina, a actualizar as redes sociais, as canles audiovisuais e a crear contido de calidade. Ademais, podes acceder a contido exclusivo para orgullosas e orgullosos do noso!
33 comentarios en “O caldo galego. Consellos para preparar este fantástico prato tradicional”
A min gústame facelo con nabiza e bótolle tamén morro e o chourizo ao principio…. é un dos PRATOS estrela galegos e sempre presta non importa o mesdo ano.
Tes toda a razón Xoan. Sempre presta tanto en verán como en inverno!
Eu votávalle BERZA cnaod o facia a miña mai. Moi rico….!
Tamén un caldiño de berza moi rico <3
O caldo hai que facelo con agarimo, pouco a pouco. Para min o máis rico é o feito con repolo de Betanzos.
O repolo de Betanzos está moi moi rico. E si, o caldiño precisa moito mimo 😀
Rico se está de cartos ou do que sea, a comida sabe ou sabe moito, non está rica, polo menos onde son eu.
Eu tamén lle boto ourella de porco, costilla de porco, oso de caña de tenreira, zanco de polo, pata de porco, hai xente que lle pon faceira e cachola de porco, touciño, rabo de porco, presunto, etc
Que rico!!
Vale, hai cousas, pero vai sendo tarde e a miña receita é moi elaborada, así que vou durmir, pero perguntádesme outro día. Leva máis cousas e nin racho a pataca, porque sustancia leva que ergue ós mortos.
Moi boas, Charinho. Non dubides en deixarnos a receita :). Apertas!!
Boas, eu fixen unha enquisa pola parroquia, envío a ligazón dónde aparecen varias recetas de cómo fan o caldo.
https://roquecerponzons.wordpress.com/2021/03/26/as-comidas-tradicionais/
Moitas grazas polo aporte, Juan José. Todo axuda para coñecer máis a fondo as variantes da nosa grastronomía!
Que diferencia hai logo entre un caldo e un Cocido galego?
Simplemente riquísimo como todo lo de nuestra tierra nuestra bella galiciam
A nosa gastronomía é das mellores, iso é así!
Guataria de por disfrutar em Bos Aires.
Ogallá podas canto antes!!
Na miña casa empregamos as sobras do cocido (cando sobra!) para botarlle ao caldo
Que rico tamén!
Queridas persoas da redacción de Orgullo Galego:
“Olla”? En serio? Ola, perola, tarteira,… pero “olla” non, home non.
Tes toda a razón, grazas por avisarnos. Imos corrixir :)))
Os nosos fano coa agua do cocido, limpo o con verdura e pataca, e tamen coa agua, facemos con piñón, estrellita, calquer pasta fina.. o que seria una sopa gorda, e a todos os caldos para enfriarlos y esperarlos con trociños de pan, e os mais puristas, le echan un chorro de vino tinto, como a los cosomes. Gracias.
Moitas grazas pola aportación, Manuel. Desde logo é unha receita con moitos xeitos de facer e sempre está moi rica!!
Fai uns 65 anos veraneaba (máis ben ía alimentarme e encher a chepa de graxa como os camelos) nunha aldea chamada Goimil,Seteventos, preto de Sarria. Cando se facía caldo de repolo, habitualmente botábaselle leite recentemente muxido na cunca . Curiosamente, estaba riquísimo.
Iso é o importante, que estivese rico. A de xeitos que hai de facer o noso caldiño!!
Eu fagoio con poucas cousas, touciño, costela, lacón e unto. As patacas escachadas e cando boto a verdura ( a que atope asegún tempada ), saco auga pra outra ola e cozo uns chourizos.
Logo que enfrie esa pouca auga, desgrasoa i devolvoa a perola do caldo.
Logo de comelo, deixoio enfriar, retirolle as patacas, repartoio en tapers e pra o conxelador.
Cada vez que volto de viaxe, veño pensando no caldiño. Delicia.
Moi moi rico o que comentas!
Rico se está de cartos ou do que sea. Á xente a comida sábelle, moito ou pouco, pero sábelle
O caldo Galego e de verzas das coles, e tamen de navizas dos navos, o repolo e mais ven pro cocido e non ten que ser necesariamente de Betanzos repolo aino en toda Galicia, o ?millor caldo e o Feito no pote? ?aquil que facian a nosas abuela? e nosa mai?
O repolo galego rico rico!!
Outra forma de facer o caldo “pobre” é dicir, sen moita graxa, e de forma rápida e sinxela.
Precisase unha ola rápida ou a presión bastante ampla.
Ponse na ola dous ósos de espiñazo desalados, e si se ten algo de costela outra carne de porco desalada, un cachiño de unto, as fabas sin remollar e as patacas rachadas en pedazos miudos.
Péchase a ola e deixase cocer uns 40 minutos primeiro a lume forte ata alcanzar a presión e despois a mínima.
O abrir vemos que están carnes e patacas cocidas e o caldo blanco. As fabas están a medio cocer.
Retiramos as carnes e botamos a verdura, Deixamos cocer coa ola xa sin presion ata que a verduras e as fabas estén cocidas
Grazas pola receita, Ana!!