Charlas
En centros de ensino, institutos e asociacións
Charlas e obradoiros: espallando a nosa cultura e lingua
Cremos no poder da educación e na importancia de transmitir ás novas xeracións o valor da nosa lingua, cultura, historia e tradicións.
Cada charla que impartimos é unha oportunidade para fortalecer a identidade cultural, crear conciencia sobre o noso patrimonio e fomentar o uso do galego en todos os ámbitos. Nestas charlas falamos das orixes e significado destas tradicións, como enfrontalas na actualidade e en definitiva a importancia de fortalecer a nosa cultura nun contexto de aculturación global.
Tamén achegamos a presenza do galego nun espazo tan importante como son as redes sociais, mostrando que o galego non limita, ao contrario, é unha oportunidade para chegar a millóns de persoas
Desde 2021 levamos impartidas máis de 400 charlas a máis de 10.000 alumnos. Aquí algúns dos temas que tratamos:
- O Entroido: significado, orixes e mascaradas
- O Nadal galego: ritos, lendas e celebracións populares.
- Defuntos: ritos e tradicións, crenzas, orixes e significado
- San Xoán: significado e orixes do San Xoán, as herbas e a importancia do lume e o auga.
- A lingua galega nas redes sociais: retos e oportunidades do galego nas novas plataformas de Internet e as redes sociais, orixes de Orgullo Galego, creadores e creadoras de contido en galego, etc
Se es docente, membro dunha asociación, parte dunha institución ou organizas eventos culturais e queres que levemos unha destas charlas ao teu centro ou entidade, ponte en contacto connosco!
