Queremos compartir convosco unhas imaxes dunha ave maxestosa, que visita ano tras ano a nosa terra tras unha migración de miles de quilómetros.
Ou así foi desde sempre. Agora as cousas cambiaron e moitas delas xa non baixan a África pasar o outono e o inverno, senón que prefiren ficar no sur da Península Ibérica.
Sexa como for, comezan a verse a principios de febreiro, a partir do San Blas segundo di a tradición. E adoitan ser sempre as mesmas, pois moitas das parellas permanecen xuntas durante moito tempo e volven sempre ao mesmo niño.
Trátase da cegoña branca, unha ave grande de máis de 1 metro de alto e de até 1,80m de á a á.
E non só o seu tamaño é motivo de impacto. O niño da cegoña, feito a partir de pequenos paus, mide até 2 metros e pesa entre 200kg e 400kg. Adoitan estar situados en construcións humanas como chemineas, depósitos de auga, igrexas, torretas electricas, etc.
Non o vas crer, pero se chegáronse a rexistrar niños de máis de 1 tonelada!
Estas imaxes tirámolas en Soldecasa, Escuadro (Concello de Silleda) e representan unha estampa cada vez máis habitual do rural galego.
Tes cegoñas preto da túa casa? Que experiencia tes con elas?
Deixa o teu comentario!
Publicidade
Publicidade
Publicidade
A Serra do Courel é un dos lugares máis importantes do noso país xa non só a nivel ambiental senón tamén etnográfico, lingüístico e patrimonial. Nesta zona comezaron os traballos de recuperación dunha das figuras mitolóxicas do nadal galego, o Apalpador, mais tamén destaca pola
Realizar unha lista de fervenzas para visitar require moitísimo tempo xa que en Galiza é raro o lugar que non teña unha ou varias fervenzas ou pozas. Por iso, despois do éxito da primeira parte na que tocamos algunhas das fervenzas máis populares, nesta segunda
Despois do primeiro artigo sobre 5 roteiros para coñecer Galiza que foi todo un éxito, recibimos numerosas mensaxes pedindo que ampliaramos pouco a pouco esta lista de roteiros. Así, decidimos sumar outros sete que temos feito e polo tanto temos coñecemento sobre os mesmos.
Orgullo Galego é unha comunidade dixital creada en 2016 que promove a cultura e a lingua galegas a través das redes sociais. Fas a viaxe en Internet en galego connosco?
Máis de 1.500 galegas e galegos orgullosos da súa terra reciben semanalmente os nosos contidos e deciden non perder nada!
2 comentarios en “A cegoña branca. A visita dunha ave maxestuosa”
Incriblemente fermosas <3!
Son moi fermosas, en verdade! Moitas grazas María!