Publicidade
Allariz é un referente na provincia de Ourense e no conxunto de Galiza tanto pola recuperación do conxunto da vila (e en especial do casco histórico) así como da posta en valor da súa historia. cultura, economía e tradicións. No artigo que publicamos a comezos deste ano podedes consultar unha guía con todo o que debes coñecer na túa visita por esta fermosa vila.
Nos últimos anos está a destacar pola súa decoración de nadal. Isto podería ser grazas a unha inversión millonaria en alumeado e decoración mais non, é todo o contrario, o Concello, xunto cos seus traballadores e traballadoras apostaron por unha decoración con materiais reciclados e que se distinguise do que estamos acostumadas a ver nas grandes vilas.
O resultado é unha vila que gaña aínda máis beleza nestas datas e que multiplica as visitas ao converterse nun destino para familias e parellas que queren coñecer outro modelo de decoración de nadal. Aquí podes ver pequenos espazos temáticos con animais, estacións de ski, granxas ou a figura do noso Apalpador entre outras.
Nas imaxes que deixamos a continuación poderás ver unha pequena galería coa decoración deste nadal de 2021.
Non deixes de visitar Allariz!
Publicidade
Publicidade
A Serra do Courel é un dos lugares máis importantes do noso país xa non só a nivel ambiental senón tamén etnográfico, lingüístico e patrimonial. Nesta zona comezaron os traballos de recuperación dunha das figuras mitolóxicas do nadal galego, o Apalpador, mais tamén destaca pola súa arquitectura e a preservación de ritos, lendas, gastronomía e tradicións.
Realizar unha lista de fervenzas para visitar require moitísimo tempo xa que en Galiza é raro o lugar que non teña unha ou varias fervenzas ou pozas. Por iso, despois do éxito da primeira parte na que tocamos algunhas das fervenzas máis populares, nesta segunda parte imos tocar outras 10 que puidemos visitar e que recomendamos coñecer, especialmente na época de choivas que é cando baixan no seu pleno esplendor.
Publicidade
Publicidade
A túa axuda mantén esta páxina, a actualizar as redes sociais, as canles audiovisuais e a crear contido de calidade. Ademais, podes acceder a contido exclusivo para orgullosas e orgullosos do noso!
1 comentario en “Allariz vístese de nadal neste 2021”
AUPA ALARICANOS, SEGUIDE ASI.